الطريق من حلب الى الرقة

موضوع: الطريق من حلب الى الرقة الأحد يونيو 01, 2008 8:00 am

بسم الله الرحمن الرحيم في رحلتي التاريخية إلى البلاد الشامية في ربيع 2005 كانت لي هذه الوقفات الطبخية فبعد خروجي من مدينة حلب الشهباء متوجها إلى بلدة الرقة كانت لي هذه الوقفات بعد خروجنا من حلب وصلنا إلى بلدة يقال لها أم المرا و رأينا منظر السواقي الكبيرة المسحوبة من نهر الفرات فلم نملك إلا التوقف فالسماء صافية زرقاء و الأرض مكسوة بالخضرة و الماء عذب سلسبيل و الجو بديع و جميل عند هذه اللحظة سقطت جميع الدفاعات و خرست كل النداءات ... فاتفقنا جميعا على الوقوف بل و النزول فقام صاحبي أبوناصر يدور لنا محل جيد نمرح به! توقفنا و نزلنا من السيارة التفت أبو ناصر و قال خلنا نقعد تحت الظلال و عند الشجر وصل صاحبي للمكان المناسب و قال حطوا رحالكم نزلنا العدة و طبعا الدور الكبير في هذه القضايا لأبي ناصر على اعتبار إني المسئول عن الطبخ و النفخ و ت**ط الشاي و القهوة و بس... ! و اللحين جاء دروي و شوفوا السنع شلون يصير هذي القعدة أنا شاريها من مكة الله يشرفها و انفعتنا كثير في استخدامها كمصد للهواء! و هذا صاحبي أبو ناصر قاعد يشتغل ... الله يحفظه على فكرة حتى تكتمل الصورة جيدا خصوصا بعدما رأيتم الخضرة و الوجه الحسن فما بقي إلا الماء المهم أنا سنعت ذيك القهوة اللي تجيب الراس و تعدل المزاج .. قهوة عربية مبهرة بالهيل العجيب و عطيناها شوي مع السكري الناشف وارد القصيم و بعدها كبست شاي الوزة بالمطارة (الزمزمية) إلى ما صار أحمر يشع مثل دم الغزال! بعدها جونا 2 من الرياجيل اللي يعجبونك ... سلموا علينا و قلنا لهم : اقلطوا قعدوا الشباب و ما قصروا تقهوا معانا و كلوا من السكري لكنهم الظاهر ما جازت لهم قهوتنا... ما تجيب مزاجهم هالشقراء يبون ذيك السوداء اللي فيها حموضة و اللي بس يزيدون عليها ماء... بعض قدورهم اللي يطبخون عليها القهوة صار لها 30 سنة ما غسلوها بس كل يوم يزيدون عليها _________________ عيد ميلاد سعيد عقبال 100 عام

الطريق من حلب الى الرقة

يعطيك الغافية ابو حسان